Les mots surlignés font l'objet d'une note
1Reçue à Grenoble,le 06 mars 1573. Répondue.
2Monsieur, lon ma escript du camp de devant La Rochelle
3que Monsieur y arryva le unziesme du passé. Lon
4tient que le seigneur de La Noue est entré dedans.
5Celluy qui m’escript m’asseure que monsieur de
6Vènes [d’Evènes] et de Laval, Dieu graces, sont en fort bonne
7Sancté. Aujourdhuy dès le poinct de jour, lon
8a commancé du cousté de monsieur le mareschal de
9Dampville une batterie plus furieuze que celle
10de laultre jour et pence que cest à Uzestz
11ou à ung chasteau qui est à une lieue de là. De
12quoy, il ne me souvient du nom. Monsieur mes
13pauvres subiectz de Beaufort me sont venuz prier
14vous supplier très humblement comme je faictz, vouloyr
15ordonner quelqung pour la garde du chasteau dudit
16Beaufort. Car ilz nont personne que soyt suffizant
17pour ce faire et les pauvres gens sont bien en
18voulanté de faire leur debvoyr. Les huguenaulx
19questoient decendues au Pouzin sont allés assieger
20Chalancon. Monsieur du Pelloux est à Boffre avec
21quelques gens de cheval et de pied et à ce que
22frère est dans ledit Chalancon, a deux centz hommes
24avec ques l[u]y. L’on tient que Sainct Thomé qui estoyt
25[200 v°] au Pousin, sen va mort. Dieu mercy rien ne bouge
26en votre gouvernement. Je vous supplie sy cognoyssiés
27que je soys sy heureuz vous pouvoyr faire service,
28commandés moy et serez hobéy daussy bon cueur que
29menvoys recommander très humblement à votre bonne
30grace, priant Dieu,
31monsieur, que vous ayt en sa garde. De votre maison
32de Montoyson, ce IIme de mars 1573.
33Votre très humble et aubeyssant
34servyteur
35Montoyson